2.2.13

Wedding Gown 之男禮篇 2

上次咪講左男禮係 Gary & Joe 度做,三月交貨既?佢真係信守承諾,交到貨仲幾 fit 幾好睇。不過大家有樣野要留意就係有時 d detail 少少既野佢係會唔記得同你做。例如我呢, 佢就唔記得係我條褲度側邊加返條黑邊,褲袋口又唔記得。不過望落冇邊都幾靚,所以就冇再改啦。所以大家搵 Gary & Joe 做西裝最好都係預鬆少少時間好,因為佢每套西裝最少會 fir 兩次 (我有套 fit 左三次),改野時間就更長。另外由於影 Pre-wedding 時個期改完又改,所以 k 走去做多套禮服 for day shooting 用。可想而知我地幾滿意呢。

至於男禮既選擇來來去去都係得幾類;Black Tie / White Tie(禮服)、Morning Coat (燕)、Three-piece suit (三件頭西裝)。但係 detail 位選擇就多得恐怖,大家有興趣上網問一問 Google 神,今日只講下我地 sk  既意見。

  • 忌閃石;k 覺得結婚當日唔係登台做show,又好怕十年八年後睇返 d 相過時。(即係你睇阿爸阿媽 d 相既時候,不停咁叫:嘩!好老土呀!)所以 k 一路都係諗住做 d 傳統既禮服
  • 忌白色;白色係好蝦人著,黎明、劉華著白色更係好睇,劉江華咁既身型樣貌點做白馬王子呢
  • 先選 Tie;k 覺得自己戴 Bow Tie 好睇,所以 k 係先選擇左用咩 Tie 先再諗咩禮服既。當然用 Bow Tie 既話就會著小企領襯衫 (Stiff front shirt with wing collar)。而白襯衫就選左胸口有細紋,配上袖口鈕
  • 長定短;k 一路都鍾於日式燕尾的款式 (日本首相參拜靖國神社個款),但係由於個子不高,腰長腳短所以放棄。當然你會話 Mode 有 d 前短後長既款式會顯得個人高 d ,其實佢地擺婚展任人試,大家可以試下先。
  • 兩件定三件;其實如果你一早選擇左著兩件頭定三件頭,已然局限左你既選擇。兩件頭通常都係匙羹領先會著少件。一般禮服或燕尾服都係 full gear 出動。

仲有樣野要留意一下,就係選擇做禮服既款式時,個款可唔可以改返做普通款。例如大部份燕尾禮服係改唔到既。

k

沒有留言:

發佈留言

LinkWithin

Related Posts Plugin for WordPress, Blogger...