與 s 一直想搵簡單、舒服及精緻的款式，周生生、六福等珠寶店款式則比較花巧。早前都有望過下 PN、Just Gold......，不過當日都係走返去 Cartier，想再試一次 Ballerine 系列。緣於上一次沒有一試正確大細的婚戒，這次好認真咁度好過 Size 後，便等店員安排。五分鐘後，店員告知全香港店舖也沒有我們的 size，香港亦暫時唔會再入此款式。如有需要可向總行訂購，須時三個月及收取額外既費用。係咁既情況之下唯有放棄。因為帶上大小唔合適既婚戒，總係好突兀，完全睇唔出岩唔岩自己。
接著便走到上次招呼欣勤既 VCA (詳情)。由於看不見店員 n，便由在大堂當值的女店員招呼。我們交低 mark 了 model 及 size 的 booklet後，女店員入倉取婚戒時。s 問會唔會唔係太好，因為上次店員 n 的服務這麼好。日頭真係唔好講人，店員 n 突然之間走左出黎，仲帶著婚戒出黎俾我地試。真係嚇鬼，失驚無神閃左出黎。有過上次既經驗，我同 s 好快便選定了 Toujours 2.5mm 為我們的婚戒。普通圓型方邊既設計，表面只有唔顯眼既 signature。最緊要帶上手指貼手舒適，係一生人以黎帶過最舒適既戒子！！！(我都唔帶戒子既)
在等候付款的時候，店員 n 說介紹一下 VCA 既 dresses watch 俾我地認識。店員 n 拿了Monsieur Arpels Alarm GMT watch 出來示範，這隻錶特別之處在於他的鬧鍾公能是模仿錘仔鬧鍾的設計。除了有宏亮的撞擊聲外，還會震動。真係幾別緻，零售價廿多萬。其實店員 n 手上也帶著一樣的手錶，只不過多了一圈碎鑽。究竟佢一個月幾多花紅既啦？
P.S. 由於未訂酒席既關係，所以仲未知刻咩日期。店員 n 我地係會再返黎揾你既。
k
你好, 本人都對VCA既婚戒幾有興趣, 請問買左幾錢?
回覆刪除我地買左冇石既約六千幾蚊each, 不過我地買完之後好似加左價。
回覆刪除