搜場記 - 欣宴@佐敦

經過幾日黎睇左十多個場後，同 s 終於摸清楚自己既心水場地。當然浮誇既裝修一定唔合心意，火柴盒既場就一定要有窗，兩面牆最好有 details。樓抵高當然好，但如果個場有層次，而唔係一眼望晒既反而會加分。因為我地都唔鍾意個場一入門口就望通晒，我地都覺得由入門口到禮堂之後在視線、時間及距離上都應該有適當既緩衝。終於知道左自己既要求，不枉行左咁多個場。不過正如 s 話齋，原來睇場幾好玩架喎。

欣宴@佐敦

其實點解會去佐敦欣宴呢？我同 s 係 EXPO 睇佢 D 相又真係幾靚，樓底高、無柱、燈效多花款、裝修都幾 Grand。

但去到現場唔知點解，同 s 都好唔自在，有一種焗束感。我諗我地有密室恐懼症，亦都知道左我地接受唔到類似密室既場地。不過佐敦欣宴裝修唔差，min pay 唔高，擺廿幾圍岩岩好。如果你鍾意佢既 setting，佈置都慳返。

k