- 地點好
- 樓底高
- 裝修岩心水 (因人而異：大台、靚 Back Drop、追燈、長樓梯、燈效、直播系統.......)
- 服務週到
- 環境寬敞
- 景色開揚
- 好食
呢個場對於香港人可能太大
要數真係可以有排數，不過對於我地黎講，價錢同寬敞既環境係最重要，跟住先係睇裝修岩唔岩心水。至於地點就局限於港島西區至北角、中九龍至西九龍一帶。其實選擇話多唔多，話少唔少。不過最主要都係三大類別。
- 酒店
- 酒樓
- 會所
其實 s 本身沒有所謂，只要價錢 within budget 就可以。至於我就較喜歡酒店，原本一心諗住擺十多圍也不是很大負擔。不過有個師奶失驚無神話要八圍，去請一些十幾廿年黎我都未見過既親戚，真係眼都突埋。由於何家不嬲有條不成文既規定，就係邊個俾錢邊個話事，以為可以由我說了算。不過見阿媽咁堅持，最後由擺十幾圍變成擺廿幾圍，真係大失預算。由於現在是擺幾多圍就蝕幾多圍既年代，所以可選擇既婚宴場地大大減少，唯有同幾個心儀既靚場 say goodbye。以下係 filter 後既 target：
- 3-4 星酒店 (5-6星酒店，最平都 9-10k 一圍，還未計services charge 及酒水，買單除時12-13k，還未計佈置 etc。 out!)
- 酒樓 (尖沙咀、銅鑼灣等婚宴專門店價錢同 5-6星酒店相約，min charge 除時還比酒店多。還有酒樓要比較小心隱藏條款，例如椅套收幾多錢，席前酒水怎樣計算，免加一又要注意係主菜免加一定全部事項免加一，所有細節要十分留意。)
- 會所 (香港靚會所真係好多，場地特別，靚裝修，包羅萬有。)
一個皇室既婚禮係好多女人既夢想
至於要留意既事項有：
席前席後
- 入座前小食及飲品是否收費？是什麼？ 幾多件？
- 自攜西餅或蛋糕是否收錢？
- 有冇送紅酒或烈酒？
- 有冇開瓶費？紅酒、烈酒分別幾多錢？
- 免開瓶費的話有冇 Quota？
- 酒水任飲幾時開始(最好5時左右) 酒水PLAN是否己包括加一?
- 最好開席後任飲酒水免費?
- 可否免加一及荼芥？免加一係所有野全免？
- 合時鮮果指咩生果？代訂要幾錢？
- 有否橙汁供應？是鮮橙汁定係OJ or果汁先生？啤酒，汽水是什麼牌子 ?
- 幾時開始service及結束時間 (最好5時左右)
- 如某些席數有十三人，件數的菜式(如蟹鉗)會否加碼，費用又會怎樣計？
- 轉菜加幾錢？蟹皇翅/海星斑/合桃露湯丸
- 如果唔食翅，可否轉其他花膠或燕窩？
- 食齋要加幾錢?
- 菜單幾時要confirm ?
- 縮圍最多可以縮幾多圍? 要否加錢? 儲幾耐?
- 圍數幾時要confirm ?
- 每圍有幾多位侍應serve我地? 額外增加人手費用多少? 有冇專人負責 PA?
- 可否用花炮? 要不要清潔費?
道具及其他
- 有冇回門乳豬？
- 有冇假蛋糕？
- 有冇蛋糕枱？
- 有冇油晝架？
- 有冇中式茶具？
- 有冇抽獎箱？
- 有冇咩Equipment : CCTV 直播,DVD, VCD, Karaoke ?
- 有冇追燈？
- 如果擺 Photo Corner/Candy Corner 有冇額外既枱？
- 有冇祝酒香檳？
- 有冇 reception desk？
- 當晚證婚既話，有冇戒指枕？
- 有冇羽毛筆？
- 基本佈置包包咩野？reception desk、每席佈置點樣、主家席點樣？鮮花定假花？Backdrop又點？有冇襟花送？送幾多個？
- Head table 同 guest table 枱布同餐巾既顏色，椅套顏色
- Backdrop 是否包CUT字 (即係貼係BACKDROP個d e.g. GARY & CHERRY )，如果自費要收$$ ？整套一般為$350
- 椅套是否免費？
- 麻雀擺位如何? 會否限制枱之數目？
- 有冇免費啤牌？
- 嘉賓提名冊size？ 款色? 幾時要決定？
- 進埸音樂有沒有得揀？
- 之前一晚可否拿些東西來存放，eg 回禮小禮物,禮服,油畫,相簿個 d
- 散席後可否留低一些東西第2日才取回？
- 最遲幾時要交場？
- 會唔會 Serve 額外既食物比賓客？（例如有人無端端叫龍蝦伊麵,，咁點呢？）
- 要唔要 BB櫈？
- 可否預早幾日可以去試 Video, background music，仲可以睇下佢地既燈光？
- 有冇專車接送？幾多點開始有？有幾多架？
- 有冇泊車位？泊幾多架？可以泊幾耐？
- 酒店送乜房? 可否Upgrade？
- 蜜月客房幾時Check in？
- 免費租掛係邊間公司？
- 外租婚紗券係邊間婚紗鋪？
黎緊未搵場既朋友，有少少功夫可以預備。
- 圍數 - 最好問清楚 4 大長老要請幾多人。另外一定要有人名表，信口雌黃既圍數永遠唔準。
- 場地 - 老人家一家要酒樓？酒店可以嗎？會所又 ok 嗎？
- 地點 - 沙田馬場會唔會太遠？迪士尼擺又可以嗎？
- 4 大長老對無翅婚宴可以嗎？減廚餘婚宴 (6 度菜) 又 ok 嗎？
- 一定要麻將耍樂嗎？
- 一對新人對場地又有咩要求？豪裝/高樓底影相靚 D。酒店服務好D，又可以酒店出閣。酒樓食物好D。
- 最後 budget，你心目中可負擔既金錢又係幾多？記住要計埋酒水、茶芥、加一、椅套...etc.
建議可上各大 forum 收集一下資料，再到 wedding expo filter 一下好適既酒樓。就可以去安排睇埸啦！
沒有留言:
發佈留言