E&M Collections 係12月 9-11日 12:00-19:00於新蒲崗四美街21-25号利森工廠大廈10樓C/3開倉！
詳情:
k
2.12.11
27.11.11
訂做一件完美的婚紗@康熙來了
因為 s 出 Trip 成個月既關係，加上我超忙，又整親條腰同隻腳，又冇任何 progress ，所以個 blog 都冇咩 update。不過 s 人在北歐落左 order 要每日一篇，咁我試下每週一篇啦 :P
係 youtube 睇康熙來了既時候發現最近有一集 topic 係婚紗 wor，都幾得意。6 位唔同 style 既 (準?) 新娘子 share 一下著婚紗、選婚紗既經歷，大家可以望下。
P.S. 最近有友人開始籌備婚禮，發現好多野都漲晒價。加幅 3 至 5 成不等，大家有野想 book 就好快 d 手。
k
係 youtube 睇康熙來了既時候發現最近有一集 topic 係婚紗 wor，都幾得意。6 位唔同 style 既 (準?) 新娘子 share 一下著婚紗、選婚紗既經歷，大家可以望下。
k
17.11.11
小明真係上左廣州 - 購物篇
廣州的婚紗街真的好!大!好!大!!!! 原了大之外，人亦瘋狂的多(尤其在周六中午，下圖紅圈的商場內)。打算去一個weekend 的朋友要有行到跛腳的必死之心才行。
婚紗街約分三大部份:
1.上圖所見的就是整條婚紗街的全相。紅色部份是所有小巷(都行得)，售價會比外街藍色部份平宜，而入面全!部!都!是!婚!紗!及!晚!裝!!!一間又一間的。我們便花了第一天的一整了征服完右手邊的小巷(結果左邊也沒有時間去)。藍色的是大街，售價會比內街貴但款會靚一點。小巷內的晚裝其實間間也大同小異，而且多數是大陸亞姐款。就算偶然會有一兩件代表作，標價亦千多元。牙力夠的朋友應可殺個半價。而那些喜字貼、茶杯、雨傘等等等等之雜物都可在這裡購得。記住原來買包利是封都是有價可講的。
2.箭咀所指的方向(在酒店對面馬路，內有麥當當的商場)再向前行有另一個商場。賣的東西和紅色部份款式差不多，但摸上手質料感覺好一些及標價(註:只是標價)會貴一點。這個商場是死死地的。約有七成商店出售婚紗，兩成出售晚裝，其餘等便是出售結婚用品呀、化妝、租車及wedding planner 等等。當天三樓其中一店有sample sale，我們便在那店掃了件原價288元的晚裝 (個亞姐開頭話冇價講，講講下就有得講)，質料都OK。
3.另外就是市二宮站E出口往右一直行會見到一間AOLISHA。那邊會有一個貴價的商場。款式比較傾向是歐洲款，質地比較好。此場簡直是死場，而且售價直逼香港，而且頂層有過半吉店，不過每間店也有好舒服的梳化（而且豪裝)，走得累可在此場hea下試下衫。
(掛住行街所以2及3都忘了拍照。抱歉抱歉)
需要注意的是，聽廣州親友說婚紗街在週一至五跟週末的標價是不一樣。開頭我覺得很怪那不是他們都要每天換牌子?之後我聽到店主們都說 “今日五折” “今日九折”等便是他們是標原價但打不同的折扣。（亦有一些店是沒標價再等你問）
而所有店都是有價可講。因親友剛嫁女，便是在婚紗街某租衣店由原價二千多殺成功到一千元租到三件晚裝。(但我認為那些貴貴的店應該沒有)
另外就是有些店在試衫後如決定不買需付試衫費(五十至一百元不等)，所以試衫前先問問店員。但so far 我們試過貴的平的都不會收費(我亦到過AOLISHA那間旗艦店，衫係任試的<-就在3 的那個商場，入面有位很好的sales叫shelly)。
最後如果未有明確目標，還是遲些才來好了。因為那裡實在太花多眼亂，如果未想好要買甚麼，相信結果會咩都買唔到。
s
16.11.11
小明真係上左廣州 - 坐車篇
唔好講咁多，首先教左大家點由深圳去到婚紗街先。
從羅湖過左關，直到十五號門 (其實就係去地鐵的出口)。
跟住條大隊 一條直路便到火車站。
去到廣深線車站，買去廣州東站的車票 (請注意: 買票要一證一票。如果只搵一個人買票，請先交出所有回鄉證)。
買到最近的一班。一等票為100元，二等票為80元。車程約一小時。車票請不要遺失，因出入口都要嘟票。
入閘後(上圖左邊)請在大堂找個有利位置。因一陣車到時要衝閘(右邊)到月台再找自己的位置。
國內的朋友是不會同你客氣的。
開車啦!!!
約一小時後，到達東站。
又是跟住條大隊往地鐵。
行行下有個路口急轉左便是地鐵入口。
地鐵大堂表面上都很乾淨。車票往市二宮站盛惠4元。
車票就是在深圳也有用的IC Chip。請不是掉了。入閘用嘟的出閘要放入閘內。
由東站出發到市二宮，需在公園前站轉二號線。
廣州地鐵全圖。
到達市二宮站，先到酒店check in。一出E出口左轉直行到街尾便是。
目的地。
s
24.10.11
小明上廣州篇
由於在轉工期間(終於都頂唔順要轉工) 會有數日空檔假期。我們決定舉家北上廣州婚妙街行下。
大家上得廣州都係去同一條街 -- 婚妙街 (正式街名為 “江南大道北”)。而留夜的亦是住同一間酒店 [廣州天一酒店]。記住記住在x情網站book酒店會比直接book平得多。
基於已有家姐出嫁的經驗，跟據家姐說由深圳到廣州的火車每天也有很多。所以不用預先買票也可以。基本上唱定人仔book 定酒店就行得。
我們會決十一月中才出發，所以現在尚有時間，先不用急著訂酒店。
以下是我們大約需要買的東西:
前一晚的睡衣、拖鞋
上頭用品
囍字貼貼
紅傘
飲茶跪的cusion
利是封(大的俾錢、細的做回禮)
紙杯
兄弟tie (如果諗到用咩)
姊妹圍巾 (如果諗到用咩)
裙褂婆仔鞋
著褂的髮charm
至於姊妹衫同新郎衫同就上去睇下款同幾錢。
其實我們要買的不是很多。有很多也可以用家姐的。
s
18.10.11
證婚律師
冇辦法啦！唯有再搵過。由於岩岩參加完友人 T 的婚禮，由壹誓既陳業森律師證婚覺得佢幾好 wor。首先幾好樣先啦 (係。我係以貌取人)。二係笑容可掬。由頭到未，佢既笑容都幾豐富下，仲笑得幾好睇。(又係樣)三就係大方得體啦！佢當日即場分享左一個有關戒子既小故事，好有意思。不過由於陳律師 out-budget，所以要再搵下。
唔好意思啦友人 T，要出賣下你。
其實 blogger 評語最好幾名都搵過晒，全部無期。出年 10 月真係好旺下，好在最後搵到黃家興律師有期，咁又搞掂一樣啦。(細細聲講，點解選用黃律師？全因為 s 話鍾意佢個樣似老千 wor。講笑姐 :P)
黃家興律師 from 莎拉蛋糕@Y!Blog
-----------------------------------------------------------------------------------------------------
注意事項
- 現時律師大多收費約 $3000 - $6000 視孚人氣而定。
- 部分律師都會有假日及偏遠地區附加費。
- 一般證婚時間由 30 分鐘至 45 分鐘不等，超時會唔會額外加錢呢？
- 律師願唔願意配合新人既證婚型式？如特別誓詞，站立證婚等‧‧‧
- 律師同職員既服務態度好唔好，回覆 email/電話 時間耐唔耐都要留意。
- 會唔會做埋擬結婚通知書及提交給婚姻登記處？駛唔駛額外加錢？
- 証婚當日會唔會整埋結婚証書？
- 有冇手提電話可以直接聯絡律師本人？
- 有冇配套？ (i.e. 介子枕 / 羽毛筆 / 証書套)
- 當然口齒伶俐、笑容可掬、(下刪一萬字) 都好重要啦
- 最後以下情況係唔可以搵律師證婚
- 其中一方或雙方不是香港永久居民;
- 其中一方或雙方在香港或香港以外曾經結過婚;
- 其中一方或雙方暫時不在香港;
- 其中一方或雙方未滿21歲;
-----------------------------------------------------------------------------------------------------
戒子既小故事
戒子戴唔同既位子有唔同既意思
從古羅馬時代以來習慣將婚戒戴在其上，相傳此指與心臟相連，最適合發表神聖的誓言。左手無名指的「愛情之脈」（vena amoris）可直接通到心臟左手的指尖。
對於羅馬人來說，此舉是法律上婚姻的承諾，女性一旦接受了指環，便無法解除此段婚姻，自此便不再自由了。戒指的佩戴有禁戒之意，女子佩戴戒指於無名指上，表明她已名花有主，禁戒別的男子嚮她示愛。男子佩戴也亦然。公元9世紀時，教宗尼古拉頒布法令，規定在結婚前之訂婚儀式上，男方贈送訂婚戒給女方是其中一重要的步驟。而交換指環代表永恆及無休止的愛之象徵。
15.10.11
Pre Wedding @ 上環
上環其實保留左好多英式建築文，影起相黎都唔錯架，好過成日影中環咁悶呀！以下幾到地方都好近，步行十五分鐘行程左右，可以一次過影晒唔同地方。
香港醫學博物館 - 舊病理學院
香港醫學博物館，位於上環至半山區之間的堅巷 2 號，是以醫學為專題，介紹香港開埠以來的醫學發展史，收集並保存具有歷史價值的醫療工具及用品，也是香港唯一珍藏香港醫療科學發展資料的地方。香港醫學博物館前身是香港細菌學院，建於1905年，樓高三層以紅磚砌成，屋頂蓋上中式簷瓦，特大的窗戶，寬闊的走廊露台並有拱形窗門，屬英國愛德華式建築，於1990年被列為香港法定古蹟。
必列者士街 - 中華基督教青年會
香港基督教青年會原稱香港青年會，成立於1901年，初期是租用德輔道中27號作為集會場所，設有閱覽室並開辦查經班、英語班、演講會及體育活動等。該教會組織經過籌募選在上環必列者士街買地興建會所，於1918年落成啟用，命名為香港中華基督教青年會中央會所。
呀田唔好意思啦，要出賣下你 :P
香港醫學博物館 - 舊病理學院
香港醫學博物館，位於上環至半山區之間的堅巷 2 號，是以醫學為專題，介紹香港開埠以來的醫學發展史，收集並保存具有歷史價值的醫療工具及用品，也是香港唯一珍藏香港醫療科學發展資料的地方。香港醫學博物館前身是香港細菌學院，建於1905年，樓高三層以紅磚砌成，屋頂蓋上中式簷瓦，特大的窗戶，寬闊的走廊露台並有拱形窗門，屬英國愛德華式建築，於1990年被列為香港法定古蹟。
 |
| Photo by Corner Corners |
 |
| Photo by Corner Corners |
Photo from https://www.facebook.com/cornercorners
必列者士街 - 中華基督教青年會
香港基督教青年會原稱香港青年會，成立於1901年，初期是租用德輔道中27號作為集會場所，設有閱覽室並開辦查經班、英語班、演講會及體育活動等。該教會組織經過籌募選在上環必列者士街買地興建會所，於1918年落成啟用，命名為香港中華基督教青年會中央會所。
呀田唔好意思啦，要出賣下你 :P
四方街
四方街嚮上環文武廟西邊隔離，幾十年以前好熱鬧，而家成返幾間老字號棺材鋪，同幾間裝潢得幾別緻既商店，靜中帶旺，同以前好大對比。
 |
| Photo by Kim Hon |
Photo from http://kimhon.blogspot.com
 |
| Photo by k |
k
14.10.11
PreWedding 地方@西營盤
由於我地有自己影 d 相玩下既打算，同 s 近來去左好多地方，亦都有好多地方想去。咁就係度 share 晒 d 影相既 good place 俾大家。其實係香港影相都有好多選擇，我地想係自己生活既地方影 Pre Wedding，留返俾自己一個美好既香港回億，今日由港島西區開始。
西營盤社區綜合大樓 (高街鬼屋-舊精神病院)@西營盤
高街舊精神病院，有「高街鬼屋」之稱，位於西營盤高街近東邊街，建於1892年，地基為厚實的大麻石護土牆，整幢建築物外圍以粗塊狀的花崗石砌成，樓高兩層，中央斜尖屋頂鋪有中式瓦片，正面是一列拱形的長廊及欄杆，具有歐洲文藝復興風格，宏偉而獨特且碩果僅存的全麻石外牆建築，堪稱鬼斧神工，令人印象深刻，於1992年宣布為香港一級歷史建築。
 |
| Photo by Hong Destiny Production @ http://blog.destinyproduction.com.hk |
 |
| Photo by Hong Destiny Production @ http://blog.destinyproduction.com.hk |
 |
| Photo by ZaraBride Wedding Gallery from Hong Destiny Production @ http://blog.destinyproduction.com.hk |
 |
| Photo by ZaraBride Wedding Gallery from RebeccaBrian的相簿 @ http://wow.esdlife.com/space.php?uid=17829 |
Photo by ZaraBride Wedding Gallery
from RebeccaBrian的相簿 @ http://wow.esdlife.com/space.php?uid=17829
11.10.11
裙褂與繡莊
潮褂有另一種味道
繡莊地圖，請按此。
一早知道冠南華出名手工好，連千嬅都係呢度造褂王，可想而知質素一定唔差。價錢仲....所以我地癟去睇過，因為裙褂著 3 -4 個鍾，冇預太多 budget 係上便。
美華繡莊 (已結業)
係同事 b 介紹，出名平、靚、新淨、服務好、不過已經轉做批發。佢有間姊姊店係金都，不過唔知邊間呢？
錦發繡品公司
由於 search 過一般 blogger 對佢既服務態度伙都好有意見，所以連去睇都冇睇。
我同 s 有一個比較奇怪既經歷。由於 s 的家姐是在鴻運繡莊租褂的，所以我們便到元朗的分店看看。試了兩件褂後，因為他沒有平腳的款式所以就無再試。鴻運繡莊的褂幾新淨，手工都好好。不過佢係唔封褂的，所以都曾經有 blogger 在裙褂的新舊問題上有些爭執。元朗的店員(應該係老細)，服務態度一流，我地渾吉都好好態度。不過價錢比永隆繡莊貴 30-50% 左右。
幾日後，我地再到尖沙咀分店看看 (因為 s 的家姐是在尖沙咀店租平腳)褂的。首先裙褂唔可以試，由於 s 鍾意比較清的款式，全店只有一件岩心水。再加上店員黑面趕客，我地好快就走左啦。
永隆繡莊
永隆繡莊既裙褂幾新淨、任試、會封褂、又有岩心水既款、店員服務好、又好傾、價錢合理、仲有貓玩，睇第二次就 Confirm 了。(賣廣告) 注意拎褂既時候請準備一千蚊既支票作按金。
不過有一樣野要留意就係新娘較高既話，要睇下長度，唔夠長有需要加珠垂的。岩岩好露少少對鞋就 ok 啦！
k
6.10.11
5.10.11
裙褂 - Briefing 篇
同 s 一直都想著最傳統既裙褂，不過你都知啦！傳統裙褂鋪都係得兩三間，所以我地都懶懶閒，今日不如講下咩係裙褂先啦！( s 話你又左抄右抄啦。)以下係綜合既資料。
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
裙掛是中國傳統特色的結婚禮服，新婚於舉行中式出門儀式時會穿著裙掛到男家向長輩奉茶。由於裙褂是大部份新娘子大婚當日的第一套禮服，她們對此自然十分重視！但是，如何選擇裙褂才可以美麗之餘又大方得體呢？
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
裙掛起源
龍鳳褂的起源相傳是數百年前有一個名叫梁儲的大臣，曾手抱年幼太子上殿登基，小皇帝長大後對梁儲十分尊敬，當梁儲女兒出嫁便賜她「龍鳳裙褂」。梁儲是廣東人，從此穿裙褂變成了廣東的婚俗，後再傳至上海，北方一帶。
裙掛
「褂」是指上衣，而「裙」則是指下裳，傳統的裙褂都是黑褂紅裙，六十年代開始才有全紅裙褂出現，時至今天，全紅裙褂成了主流，黑褂紅裙反而變為「奶奶褂」。
圖案
中國傳統褂裙圖案，是以花枝，雙喜，鴛鴦為主，龍鳳是封建王室專用的徽號和權利的象徵，在古代民間絕對不准使用，甚至連私藏龍鳳圖案，亦構成欺君叛國之罪，招致誅九族的大禍。龍鳳刺繡，意思是龍鳳呈祥(情長同音)，寓意一對新人白頭偕老，永結同心。同時也喻意著新人成雙成對，衣服正襟上的龍鳳，通常都是對龍對鳳的。石榴喻寓意多子多孫。牡丹花喻意花開富貴，榮華富貴。五蝠寓意五福(福祿壽喜財)臨門。金魚寓意年年有餘。其他圖案尚包括福字、喜字、荷花、荷葉、蝴蝶、鴛鴦、蝠鼠等。這些圖案都是寓意尊貴吉祥、百年好合。
圖案
中國傳統褂裙圖案，是以花枝，雙喜，鴛鴦為主，龍鳳是封建王室專用的徽號和權利的象徵，在古代民間絕對不准使用，甚至連私藏龍鳳圖案，亦構成欺君叛國之罪，招致誅九族的大禍。龍鳳刺繡，意思是龍鳳呈祥(情長同音)，寓意一對新人白頭偕老，永結同心。同時也喻意著新人成雙成對，衣服正襟上的龍鳳，通常都是對龍對鳳的。石榴喻寓意多子多孫。牡丹花喻意花開富貴，榮華富貴。五蝠寓意五福(福祿壽喜財)臨門。金魚寓意年年有餘。其他圖案尚包括福字、喜字、荷花、荷葉、蝴蝶、鴛鴦、蝠鼠等。這些圖案都是寓意尊貴吉祥、百年好合。
剪裁
以前的褂是唐裝剪裁，直膊，衫身闊大，扣花鈕;現今流行的款式，是經歷了許多年的演變，變得更時尚及舒適。已經改良為西裝膊，修腰，拉鍊設計，既古典又不失時代女性美。但有一點歷久不變，新娘結婚當日穿著裙褂時，會在褂裙內穿上一套兩件頭的紅色睡衣褲，所以選擇褂裙時不要太貼身。此外，掛裙的袖是四個骨設計的，目的是給新娘用以戴上親友送贈的首飾，方便新娘秀出自己的嫁妝及禮物。
款式
裙褂的繡工密度可顯示新人的派頭﹕裙褂分水晶裙褂、小五福裙褂、大五福裙褂、褂后、褂王，尤以褂王的繡工最細緻，金銀線的比例亦最多，故價錢亦是眾裙褂之首，萬多元才有交易，租借也要千多元以上！反之小五福因較少金銀線刺繡，租借的話數百元就有交易。傳統上富貴人家多挑選褂王，認為裙褂愈華麗、愈金碧輝煌，新娘就愈矜貴。古時候的南粵，不同的輩份，穿的裙褂也是不一樣的哦！
褂王
新娘子一般會穿大紅色的密地 (在紅緞上用金銀線繡上花紋)，密度在75%-100%（褂王）的裙褂；
大五福
長輩（新娘的母親、新郎的母親）會穿黑衣紅裙或全黑的疏絲 (用金銀線繡上花紋，但比密地疏)，密度在60%-75%（密五福）的裙褂；
中五福至五福寶
親屬（也屬長輩，如：姨媽，姑媽，姐姐，親嫂等）會穿紅色或黑色（顏色不限），密度在70 %-55%或50%以下的疏絲至疏金 (以金線繡花紋)（中五福至五福寶）。
新娘子一般會穿大紅色的密地 (在紅緞上用金銀線繡上花紋)，密度在75%-100%（褂王）的裙褂；
長輩（新娘的母親、新郎的母親）會穿黑衣紅裙或全黑的疏絲 (用金銀線繡上花紋，但比密地疏)，密度在60%-75%（密五福）的裙褂；
親屬（也屬長輩，如：姨媽，姑媽，姐姐，親嫂等）會穿紅色或黑色（顏色不限），密度在70 %-55%或50%以下的疏絲至疏金 (以金線繡花紋)（中五福至五福寶）。
另外亦有金線鑲石 (用金線圍花再鑲玻璃石及膠片)、珠石 (用膠片、玻璃石砌成圖案)，視乎新娘的喜愛。選購技巧方面，可察看裙褂底部是否線步分明，刺繡是否具立體感。要分辨新舊，應先看袖口有否掉線。
縫制一套褂裙並不是容易的事，普普通通的貨色也要花一、兩個月的時間，褂王由一位師傅負責裁製，起貨期要半年時間，售價約一萬多元。五十年來，裙褂的售價未有大變動。細心觀看，褂王上有些圖案微微凸起，原來這類立體圖案，以往是用樹枝伴以布條，現在才改用棉花代替。一套褂裙一定要一個人負責，不同師傅用力不同，如果分工式製作，綫會有鬆緊之別，影響圖案美感。
傳統禁忌
一、紅色「大婆」專用
傳統中國婚姻俗例，無論是裙褂或鳳冠霞帔，紅色都是大婆正室才有資格穿着，繼後入室的妾侍，最多只可以穿粉紅色裙褂。
二、「褂王」配勁金器
為甚麼「褂王」是超級有錢人才穿？因為全件裙褂都以金綫繡成，凸顯不出新娘身上的金器，故丈夫要買多數倍金飾才有效果。要解決，有方法：裙褂的頸部至心口位置減少金綫，突出胸前金器；手袖位則改用銀綫，用以突出連串的龍鳳鈪。
三、波浪衫腳不利是
新潮裙褂為添新意，衫腳多加上波浪紋，原來裙褂的衫腳是代表婚後生活，故一定要平腳，取其婚姻平穩之意，用波浪紋作衫腳，這段婚姻或許不太穩陣。
四、鳳仙褂妹仔嫁衣
上述嘮叨婆婆所說的「激死奶奶」小鳳仙裙褂，原來專為妹仔出嫁時所穿的，大家閏秀出嫁絕不能穿，裙褂衫領要「企身」，盡顯大少奶風範。
五、紅黑與奶奶撞衫
古時穿褂出嫁，也會出現「Ball場撞衫」的尷尬事，因為大戶人家娶新抱，奶奶和女長輩亦會穿褂，奶奶為凸顯自己的身分，會穿紅裙黑褂。為了不與奶奶撞衫，新娘會穿全身用金綫釘花的褂王出嫁。
六、裙褂只試一半
試裙褂時，最好分開試裙和褂。因為裙褂一生人只會著一次，代表唔會返頭嫁。
雖然穿裙褂是中國傳統，但隨著社會轉變，人們對裙褂的要求也有轉變。為配合潮流，裙褂的款式已由當初的寬袖大袍，到今天沒有金銀線、款式新穎的潮褂，所以新娘們一定可以找到自己合意的禮服。
k
3.10.11
Cocoon Coupon (completed)
由於裙已租而之前朋友給我的一張cocoon 88折coupon已沒有用。如有興趣想要的朋友可留下聯結方法以便交收。謝 (coupon valid until 27 Feb 2012)
s
1.10.11
Dorian Ho Collection Sample Sale 2011
Dorian Ho Collection Sample Sale 呀，由2011年10月6日至8日，晚裝有2折優惠 ﹗記得 By Appointment only 只接受EPS或現金付款，不設試身、退款或更換服務。
From 何國鉦微博
For your reference http://dorianohk.com/
k
From 何國鉦微博
For your reference http://dorianohk.com/
k
29.9.11
MUA - 家姐的MUA篇
適逢家姐剛剛結完婚(又)，又想借個機會在此講講家姐的MUA。
家姐未嫁前我聽佢講佢個MUA真係好平好平。你知不嬲平野冇好嘛，我真係有點擔心。到家姐出嫁那天，晨早溜溜她已經到了!!而且還帶多了兩個partner / 助手來，真的好勁! 其實我家姐只得四個姊妹 (計埋我家姐亞媽都只係六人)，但聽家姐說她擔心時間不夠，真的好細心呀!!結果最後所有姊妹一早化好晒妝set好晒頭坐定定等埋家姐出來著褂。
到家姐出來時，ok喎!!真的不錯!!!(由於我驚俾人打，實在不太方便放家姐的相出來。大家可以去化妝姐姐的official site 自己猜猜邊個係我家姐) 兩小時內已經搞掂，真係算快手。而且化了出來真係同平時見的家姐感覺很不同，真係靚左好多。最後她仲有時間幫我媽媽畫個快眉及粉底，唔好講笑，真係好快手。化好之後化妝姐姐便於一眾parter / 助手快閃回家休息。是晚再續。
偷來的sample相，希望主角不要介意。不過真係好功力，而且唔會覺得ｄ粉厚死人。
MUA姐姐下午四時多已酒樓(我好喜歡守時的人呀～又加分）。由於席前家姐要出去與來賓合照，而晚上亦少了一位MUA幫忙（晚上只得姐姐及一位partner來），時間真的好趕。而她們除需要為所有姊姐補妝，新娘轉妝外，另外再要幫我啦、我媽、家姐的奶奶、家姐老公的家姐及家姐老公細佬的女友一共十人化妝。真係勁趕囉!由四時到席前，我們又要走來走去安排人手及細節(可看我上一篇有關家姐出嫁的blog)喎。
由於補妝需時較短。化妝姐姐sam(叫名好了）及partner christy 一來到就捉住所有姊妹及家姐。christy就好快手咁幫所有姊妹補好妝（她們仲有時間剩幾條友自己出左去周圍影相），而家姐亦好快轉了妝及頭。要讚一讚就是我真的覺得家姐成晚的頭好靚（由席前、進場、敬酒及送客共四個造型），同佢個妝好襯。而且sam帶來的頭花亦和妝同件衫好襯，證明真係好俾心機落去做。
成個化妝過程sam同christy都有講有笑，而家仲好好傾。你知啦，如果在好日子請個乜都唔講又黑晒口面既黎，真係唔多老黎。而且我覺得sam的笑容好靚呀，見到佢笑都覺得好開心(最鐘意同靚女傾計）。仲有真係要同christy講聲sorry，佢一開始化妝我就係咁催佢，其實她不是慢，只是因為我真的好趕好趕，不過出來之後個個都話好，真係要多謝佢。
到左入席前家姐又要趕返入去轉婚紗進場。入去不用十五分鐘已搞掂，超快囉。搞到家姐仲係咁催問入得場未。而席間需要轉妝時間，sam亦好細心咁走過來同我夾時間，同我講幾時要趕返家姐入場及轉每個妝及換衫需時幾耐。真的好有交帶。
有機會閒聊之下原來發覺sam之前為左成為MUA而專登遠征台灣找一個好出名的老師學化妝。真的好有guts~!! 雖知呢ｄ野真係好危險，萬一係騙案就真係咩都冇晒，不過好彩遇到的是好人。學成後sam便一直替人partime 化妝一直自己一至五返工，聽落都覺辛苦。其實MUA真的好辛苦，又沒有weekend假，一出job就用左成日。連她自己都形容“星期一好似死左咁”而且有時好多job都要推掉。最後sam 得到愛人的支持，終於踏出成為MUA的第一步。
她形容成為MUA後，人！工！絕！對！係！有！減！冇！加！！不過作為MUA的她，認為如果能夠遇到好的客人，除了可以傾得埋外，大家仲可以分享籌備婚禮的過程，share一下當中的喜悅。她亦覺得自己成為了MUA後，人亦開心了很多。雖知在現今社會上，好多人都唔係做緊自己真係想做的工作。如果找到，真係要go for it!! 這個的真的好認同她，就好似我當年放下工作到澳洲working holiday 一樣。有ｄ野once in a life time，係一定要做的！
上文並不是賣廣告。因我真的好欣賞家姐的MUA，不論是技術及性格，真係好有heart去工作。（我都好想book她．．．．不過我已book了另一位。T_T)
以下是家姐MUA的小小資料。
Samatha Tam @ WaSa Bridal Make Up
Official Site: http://www.wasamakeup.com
Facebook Site: http://www.facebook.com/WaSaMakeUp
Yahoo Blog: http://blog.yahoo.com/WaSaMakeUp
s
27.9.11
Prefect Wedding Gown ? Part 2
再續租衫事宜。
因為懶得換太多衫。租衫方向如下:
A. 出門 - 褂。呢件一定不能少。早上出門必備。
B. Registration - 婚紗。 由於我們會於日落前註冊，早上回男家後會即換上婚紗再周圍影相才入場。
C. 食前影相 - GW，打算是一些bright colour 或以淺色為主。註冊完成後換一件衫招呼親友拍照。
B. March in - 著返註冊用的婚紗。
D. 敬酒 - 想以粉紅或金的晚裝。試個紅色上身太嚇人了。
C. 補影相 + 送客 - 同迎賓同一件。
計埋褂一共是四件。開頭除左褂外，其餘三件也想在同一間店租(以便歸還)。嘩，原來要咁做真係難過登天。
唔好以為睇下雜誌既廣告就知自己要租咩類型既衫， 學k之前話齋，其實睇雜誌只係step 1。一樣野要記住就係廣告 / 婚展見到邊一間邊款裙ok記得剪低or影低。去到婚紗店花多眼亂一定會唔記得自己鐘意乜野，同埋可以show俾婚紗店d人睇下就算都同款都可以搵件差唔多既試下。
睇到邊間有自己style就最好先上門睇下 件衫先，因為即日落order通常都會有discount。如果一早睇中左某一間店就唔好周圍走，事關婚紗真係花多眼亂，越試就越唔知自己想要乜。不過，好似我呢d師奶心態既就似住一生人結一次婚就當然要用盡晒quota啦。通常試婚紗都要打電話去book trial fit，一般香港島既婚紗店都可以free trial試一至三件，而旺角/尖沙咀區既就要俾$500 至 $2000既試衫費不等，當然即該落booking就可以不用試衫費啦。
k和我都比喜歡重層次感多過釘功款式，多珠片絕對是NO。所以我們決定先集中攻打中西區。通常trial fit 需要約一至個半小時，當然要看看個場多不多衫同埋自己看中的多不多。而婚妙店office hour 通常是12:00 – 20:00，如每兩小時試一間，一天大約可以試四間。以下是我們的戰略圖 (黃色為未攻打部份，一共是兩天的行程)。
因為懶得換太多衫。租衫方向如下:
A. 出門 - 褂。呢件一定不能少。早上出門必備。
B. Registration - 婚紗。 由於我們會於日落前註冊，早上回男家後會即換上婚紗再周圍影相才入場。
C. 食前影相 - GW，打算是一些bright colour 或以淺色為主。註冊完成後換一件衫招呼親友拍照。
B. March in - 著返註冊用的婚紗。
D. 敬酒 - 想以粉紅或金的晚裝。試個紅色上身太嚇人了。
C. 補影相 + 送客 - 同迎賓同一件。
計埋褂一共是四件。開頭除左褂外，其餘三件也想在同一間店租(以便歸還)。嘩，原來要咁做真係難過登天。
唔好以為睇下雜誌既廣告就知自己要租咩類型既衫， 學k之前話齋，其實睇雜誌只係step 1。一樣野要記住就係廣告 / 婚展見到邊一間邊款裙ok記得剪低or影低。去到婚紗店花多眼亂一定會唔記得自己鐘意乜野，同埋可以show俾婚紗店d人睇下就算都同款都可以搵件差唔多既試下。
睇到邊間有自己style就最好先上門睇下 件衫先，因為即日落order通常都會有discount。如果一早睇中左某一間店就唔好周圍走，事關婚紗真係花多眼亂，越試就越唔知自己想要乜。不過，好似我呢d師奶心態既就似住一生人結一次婚就當然要用盡晒quota啦。通常試婚紗都要打電話去book trial fit，一般香港島既婚紗店都可以free trial試一至三件，而旺角/尖沙咀區既就要俾$500 至 $2000既試衫費不等，當然即該落booking就可以不用試衫費啦。
k和我都比喜歡重層次感多過釘功款式，多珠片絕對是NO。所以我們決定先集中攻打中西區。通常trial fit 需要約一至個半小時，當然要看看個場多不多衫同埋自己看中的多不多。而婚妙店office hour 通常是12:00 – 20:00，如每兩小時試一間，一天大約可以試四間。以下是我們的戰略圖 (黃色為未攻打部份，一共是兩天的行程)。
A
| Cocoon | 3/F, Winning Centre, 46-48 Wyndham street, Central, HK 2577 2122 www.cocoonbridal.com | Free trial 2 件 package 約由 4500 - 6000 | 此店最出名的是裙褂。不過想在傳統店租褂的我們並無看上任何一款。 重覆看兩三次相薄只能勉強看中兩至三件。整體可以用“騎呢”來形容。真係太前衛了。兩件著上身也沒有驚喜。 另外好多衣服也要加錢，basic plan 的好少。 |
B
| Mariée | 9/F, Galuxe Building, 8 On Lan Street, Central 3488 0978 www.mariee.com.hk | Free trial 2 件 沒有package。 WG from 4000 – 6000 EG from 2400 - 3000 | 在 website 看中了 evening gown。去到場原來好多都要買的。只有很少晚裝/婚紗供選擇。看似是做鬼佬生意多。 婚紗及晚裝沒有感覺很特別，款式都是比較簡單。但布料一流。著上身超舒服。 順帶一提。此店的 MUA 功力不錯。店內有 sample 相薄可看。 |
C
| Cooee Wedding Gallery | 10/F, C Wisdom Center, 35-37 Hollywood Road, Central 2811 9984 www.cooeewedding.com | $150 for 2 trial package 約由 7000 - 15000 | 被某雜誌的其中一條 WG 吸引。上到去之後，頂!!大多數是尖沙咀款，而且好多裙都好殘。兩位sales 亞姐更好有呃飯食feel。 看中的婚紗和相片極不相似。另外看中一件晚裝，著上身都不錯。不過摸上手就知道是淘寶料。7000我絕不會租。 |
D
| The Brial Wardrobe | 2/F Rickmake Commercial Building, No. 198-200 Queen's Road Central 2838 6030 www.thebridalwardrobe.com | Free Trial 3 件 (facebook like 左可增至 5 件） 沒有package, WG 5000 onwards EG 2000 onwards | 主要是歐洲入貨，好多婚紗都好靚。店主好好人，同佢傾多兩句，基本上就任試。婚紗試了三件，三件都好有驚喜。 晚裝就一般。而且多數好誇或好 sexy 的。晚裝一件也沒有看上。 |
E
| Bliss Wedding Boutique | 15A, Winning Centre, 46-48 Wyndham street, Central 2510 0288 www.blissonweddings.com | 未試。不過有朋友租過，我覺得好襯佢。屬高貴類。 | |
F
| Scent of Bride | 3/F, 2 Queen Victoria Street, Central 6112 4002 www.scentofbride.com | 未試。雜誌有看中的衣服。 | |
G
| Pearl Couture | 中環擺花街2-10號匯財中心7樓702室 2581 9238 | 未試。雜誌有看中的衣服。 | |
H
| Blanc House | 10/F, C Wisdom Center, 35-37 Hollywood Road, Central 2798 8889 | Free trial 2 件 沒有package，當日 confirm 有九折，第二件再九折。 WG 4000-8000 EG 4000 | 睇某雜誌被其中一條 WG 吸引。主要是歐洲款式、香港製造，用料、手工、cutting 同樣講究。店主的 Partner 主要做演唱會服裝，所以所有野都要做到最高要求。 如果 confirm booking 可以試下佢三條鎮店之寶。其中一條我同 k 都好鍾意，款式則類似 Vera Wang 這條。不過要 18k 租。 接待的店主應該都係 Designer，對設計同服裝都有執著同熱誠。 |
s
20.9.11
MC vs MUA vs Bridemates vs Wedding Planner
適逢家姐剛剛結完婚，實在有感而發不得不寫一篇。
開頭家姐沒有assign我做姊妹，仲諗住hea爆齋食。之後家姐話俾左個MC位我做，OK，冇問題，她說我是副MC，會有個主MC帶住我。之後發現原來主MC是第一次做MC……，唔緊要，照夾稿。同那位MC夾過幾次稿都覺得OK的。點知，結婚當日先知，原來MC係好多野做的。
因為家姐只得四個姊妹，而家姐一要換衫轉頭，四位姊妹就會堆晒去家姐度幫佢。雖則新娘當晚是女主角固之然重要，但結果當晚就變左冇人坐reception(結果仲要勞煩k都幫手坐reception)，冇人幫手收禮，冇人幫手拆木台等等，成個flow都好亂。結果就變左咩都搵個MC搞啦，包括call律師啦、同會場夾車位啦、幫手收禮等等。由於我的身份是新娘親人+門口reception坐木台+MC，開席前原來做亞妹既要被拉去同親友social，又要同親友影相。結果開席前都唔夠時間同主MC夾稿。不過好彩主MC都OK，成個flow都算順順利利。
在此我有感而發覺得婚禮有個角色係好緊要的，就係wedding planner啦。不是說要出去俾錢請一個wedding planner。請得起固之然係好，請起唔就需要安排一個最orangise 既兄弟 / 姊妹 (最好係姊妹，因為方便入新娘房捉人) 控制成個場面，叫每一個姊妹要緊守自己的崗位，不然成個婚禮就會好亂。
相信大家得都只係想開心完成婚禮，只求凡事順利
wedding planner 除左開席前安排場地佈置 (我家姐個reception就係變左冇人佈置同冇左個candy bar) 同安排酌茶影相時間 (吩咐MC開咪叫人) 外，席間仲要同MC / MUA 夾好每一新娘出場入場位。包括成長片段 / march in / 早拍晚播 / 敬酒 / 補拍同送客。因為每一個session新娘都可能要回新娘房轉妝或換衫，所以要同MUA夾好每次入場前的轉妝酌時間。而某些位也需要MC上台搞搞氣氛，成個flow如果唔organise好，可能連個MC都唔知應該講乜好。
各位如果整rundown既時候，除左朝早既rundown緊要之外，晚宴中既rundown都不可缺少。最好可以將MC同MUA既rundown都夾埋落去，仲要夾埋新娘出入時間，等所有有份的員工知道成個大flow係點，就算有變都方便同其他parties夾時間。另外就是MC最好不要搵直屬親友(即兄弟姊妹)，因為直屬親友最好用黎坐reception，而安排住reception既親友係絕對唔可以周圍走的!!!! 而做MC係需要同音響、燈光、攝影師、律師同上菜部夾時間，仲要試咪同夾稿，最好就係搵兩個互相認識既朋友，同新朗新娘都夠熟的人。成個大flow就要靠個wedding planner去維持住，中途有乜意外要拆木台delay等突發事件就要識得執生。同埋在席間要捉MC上台捉新娘換衫等等。
s
18.9.11
籌備進度@18.09.2011
見 s 家姐剛剛結完婚，s 又未寫完過 Prefect Wedding Gown Part2 就執下個進度表先。雖然仲有成 390 日 :p。
除左禮服、律師、佈置同花車要盡快 Confirm 外，其他比較重要既事情都 Confirm 得七七八八啦！之後就要開始漫長既 DIY 之旅！
祝 Joan & Jonathan 年生貴子俾我玩啦！
k
訂閱：
文章 (Atom)
LinkWithin
